பாமக புதிய மாநில அமைப்பாளர் கோ.மதியழகனுக்கு வில்லியனூர் எம்எல்ஏ ரவிகுமார் நேரில் வாழ்த்து!
புதுச்சேரி மாநில பாட்டாளி மக்கள் கட்சியின் (பாமக) புதிய மாநில அமைப்பாளராகப் பொறுப்பேற்றுள்ள கோ.மதியழகன் (சின்னவர்) அவர்களுக்கு பல்வேறு அரசியல் கட்சிப் பிரமுகர்களும் நேரில் சென்று வாழ்த்துத் தெரிவித்து வருகின்றனர்.
அதன் ஒரு பகுதியாக, வில்லியனூர் தொகுதி சட்டமன்ற உறுப்பினர் திரு. ரவிகுமார் பத்மநாபன் அவர்கள், கோ.மதியழகனின் இல்லத்திற்கு நேரில் வருகை தந்தார். புதிதாக மாநில அமைப்பாளராகப் பொறுப்பேற்றுள்ள அவருக்குப் பொன்னாடை மற்றும் சால்வை அணிவித்து தனது மனமார்ந்த வாழ்த்துகளைத் தெரிவித்தார்.
இந்நிகழ்வின்போது, புதுச்சேரி மாநில பிற்படுத்தப்பட்டோர் மற்றும் சிறுபான்மையினர் மேம்பாட்டுக் கழகத்தின் முன்னாள் வாரியத் தலைவரும், அகில இந்திய என்.ஆர். காங்கிரஸ் கட்சியின் மேற்கு மாவட்டத் தலைவருமான திரு. சி.பாலமுருகன் உடனிருந்து சால்வை அணிவித்து வாழ்த்து கூறினார். இந்நிகழ்வில் கட்சி நிர்வாகிகள் மற்றும் முக்கியப் பிரமுகர்கள் பலர் கலந்துகொண்டனர்.
