‘விஸ்வசஞ்சார் இந்துத்துவா கா’ நூல் வெளியீடு: துணை குடியரசுத் தலைவர் சி.பி. ராதாகிருஷ்ணன் வெளியிட்டார்!
புதுடெல்லி: ‘சப்தாஹிக் விவேக்’ பதிப்பகம் தயாரித்துள்ள ‘விஸ்வசஞ்சார் இந்துத்துவா கா’ (Vishwasanchar Hindutva Ka) என்ற புதிய நூலினை துணை குடியரசுத் தலைவர் சி.பி. ராதாகிருஷ்ணன் முறைப்படி வெளியிட்டார். புதுடெல்லியில் உள்ள உபராஷ்டிரபதி பவனில் இந்நூல் வெளியீட்டு விழா விமரிசையாக நடைபெற்றது.
இந்நிகழ்ச்சியில் நூலை வெளியிட்டு பேசிய துணை குடியரசுத் தலைவர், பாரதத்தின் கலாச்சாரப் பயணம் மற்றும் உலக அரங்கில் இந்தியாவின் ஆழமான தொடர்புகள் குறித்து வாசகர்களிடையே விரிவான சிந்தனையைத் தூண்டுவதற்கு இந்நூல் பெரிதும் உதவும் என்று தனது நம்பிக்கையைத் தெரிவித்தார்.
இவ்விழாவில் மாநிலங்களவை உறுப்பினர் வினோத் தாவ்டே உள்ளிட்ட முக்கியப் பிரமுகர்கள் பலர் கலந்துகொண்டனர். பாரதத்தின் பாரம்பரிய பண்பாட்டின் பெருமையை உலகளாவிய பார்வையில் முன்வைக்கும் இந்நூல் அறிஞர்கள் மற்றும் வாசகர்களிடையே பெரும் கவனத்தைப் பெற்றுள்ளது.
