நீட் தேர்வில் சாதித்து MBBS சேர்ந்த ஏழை மாணவி: புதுச்சேரி பாஜக மாநில தலைவர் நேரில் பாராட்டி நிதியுதவி!

புதுச்சேரி: நீட் (NEET) தேர்வில் சிறப்பான வெற்றி பெற்று தனியார் மருத்துவக் கல்லூரியில் மருத்துவப் படிப்புக்குத் (MBBS) தேர்வாகியுள்ள ஏழை மாணவி வித்யா பாரதிக்கு, புதுச்சேரி பாஜக சார்பில் பாராட்டும் உயர் கல்விக்கான நிதியுதவியும் வழங்கப்பட்டுள்ளது.

புதுச்சேரி பாரதிய ஜனதா கட்சி அலுவலகத்தில் பணியாற்றி வரும் ஊழியர் திருமதி அம்மா செல்வராணி என்பவரின் பேத்தி செல்வி வித்யா பாரதி. இவர் குடும்ப சூழல் மற்றும் வறுமையை ஒரு தடையாகக் கருதாமல், கடின உழைப்புடன் நீட் தேர்வை எதிர்கொண்டு வெற்றி பெற்றார். இதன் மூலம் தனியார் மருத்துவக் கல்லூரியில் எம்பிபிஎஸ் மருத்துவப் படிப்பில் சேருவதற்கான இடத்தைப் பெற்று, தனது குடும்பத்தின் முதல் மருத்துவராக உயர்ந்து புதிய சாதனை படைத்துள்ளார்.

மாணவியின் இந்த தன்னம்பிக்கை சாதனையைப் பாராட்டும் வகையில், புதுச்சேரி பாஜக மாநிலத் தலைவர் மாணவி வித்யா பாரதிக்கு நேரில் பொன்னாடை போர்த்தி வாழ்த்துகளைத் தெரிவித்தார். மேலும் அவரது மருத்துவக் கல்விப் பயணத்திற்கு ஆதரவளிக்கும் வகையில் முதற்கட்ட கல்வி நிதியுதவியையும் வழங்கினார். ஏழை மாணவியின் மருத்துவக் கனவை நனவாக்கும் வகையில் மேற்கொள்ளப்பட்ட இந்த முயற்சிக்கு பலரும் வாழ்த்துகளைத் தெரிவித்து வருகின்றனர்.