கல்வி மூலம் கனவுகளை நனவாக்குங்கள்! பீடி, சினிமா, ஐஓஎம்சி, எல்எஸ்டிஎம் தொழிலாளர்களின் குழந்தைகளுக்கு நிதி உதவித் திட்டம்

மத்திய தொழிலாளர் மற்றும் வேலைவாய்ப்பு அமைச்சகம், பீடி, சினிமா, சுண்ணாம்புக்கல் மற்றும் டோலமைட் சுரங்க (IOMC/LSDM) தொழிலாளர்களின் குழந்தைகளுக்குக் கல்வி உதவித் தொகை வழங்கும் திட்டத்தை அறிவித்துள்ளது.

இந்தத் திட்டத்தின் கீழ், 1-ஆம் வகுப்பு முதல் பட்டப்படிப்பு மற்றும் தொழில்முறைப் படிப்புகள் வரை பயிலும் மாணவர்கள் விண்ணப்பிக்கலாம். பள்ளி, ஐடிஐ, பாலிடெக்னிக், பட்டப்படிப்பு மற்றும் மருத்துவம், பொறியியல் போன்ற தொழில்முறைப் படிப்புகளுக்கும் இந்த உதவித் தொகை கிடைக்கும்.

உதவித் தொகை விவரம்: 1-ஆம் வகுப்பு முதல் 4-ஆம் வகுப்பு வரை ரூ. 1,000; 5-ஆம் வகுப்பு முதல் 8-ஆம் வகுப்பு வரை ரூ. 1,500; 9, 10-ஆம் வகுப்புகளுக்கு ரூ. 2,000; 11, 12-ஆம் வகுப்புகளுக்கு ரூ. 3,000; ஐடிஐ/பாலிடெக்னிக்/பட்டப்படிப்புக்கு ரூ. 6,000; பி.இ., எம்.பி.பி.எஸ்., எம்.பி.ஏ. உள்ளிட்ட தொழில்முறைப் படிப்புகளுக்கு ஆண்டுக்கு ரூ. 25,000 வரை வழங்கப்படும்.

விண்ணப்பிக்க கடைசி தேதி: ப்ரீ-மெட்ரிக் (1-ஆம் வகுப்பு முதல் 10-ஆம் வகுப்பு வரை) மாணவர்களுக்கு ஆகஸ்ட் 31, 2026; போஸ்ட்-மெட்ரிக் (11-ஆம் வகுப்பு முதல் தொழில்முறைப் படிப்புகள் வரை) மாணவர்களுக்கு அக்டோபர் 31, 2026.

தேசிய உதவித்தொகை இணையதளமான scholarships.gov.in மூலம் ஆன்லைனில் விண்ணப்பிக்கலாம். இந்தத் திட்டத்தின் மூலம் கடந்த ஆண்டு மட்டும் 92,000-க்கும் அதிகமான மாணவர்கள் ரூ. 32.5 கோடி உதவித் தொகை பெற்றுள்ளனர். தொழிலாளர்களின் குழந்தைகள் தங்கள் கல்வி கனவுகளை நனவாக்க இந்த வாய்ப்பைப் பயன்படுத்திக்கொள்ளுமாறு அழைப்பு விடுக்கப்பட்டுள்ளது.