சிங்கப்பூர்: வெளியுறவுத்துறை அமைச்சர் எஸ். ஜெய்சங்கர் மற்றும் சிங்கப்பூர் வெளியுறவுத்துறை அமைச்சர் விவியன் பாலகிருஷ்ணன் ஆகியோர் சிங்கப்பூரில் உள்ள இந்திய உயர்ஸ்தானிகர் அலுவலகத்தின் புதிய தூதரக வளாகத்திற்கு (Chancery complex) அடிக்கல் நாட்டினர். இந்த நிகழ்வு இரு நாடுகளுக்கும் இடையிலான நீண்டகால நட்புறவின் அடையாளமாக பார்க்கப்படுகிறது. புதிய வளாகம் அமைக்கப்படுவதன் மூலம் தூதரக பணிகளை மேலும் சிறப்பாகவும், நவீன தொழில்நுட்ப வசதிகளுடனும் மேற்கொள்ள முடியும் என்று எதிர்பார்க்கப்படுகிறது. இந்த வரலாற்று சிறப்புமிக்க அடிக்கல் நாட்டு விழாவில் இரு நாடுகளின் தூதரக அதிகாரிகள் மற்றும் முக்கிய பிரமுகர்கள் கலந்துகொண்டனர்.
