பாஜக மாநிலப் பொறுப்பாளர் கே.சுரேந்திரனுடன் எம்.எல்.ஏ மீனாட்சிசுந்தரம் சந்திப்பு: பட்டியலின மக்கள் நலன் குறித்து விரிவான ஆலோசனை!
புதுச்சேரி:
புதுச்சேரி மாநில பாரதிய ஜனதா கட்சியின் தலைமை அலுவலகத்தில், புதுவை மாநில பாஜக பொறுப்பாளர் கே.சுரேந்திரனை சட்டப்பேரவை உறுப்பினர் டி.கே.எஸ்.எம். மீனாட்சிசுந்தரம் நேரில் சந்தித்துப் பேசினார். இச்சந்திப்பின் போது புதுவை மாநில பாஜக பட்டியலணி மாநிலத் தலைவர் மற்றும் மாநில பொதுச் செயலாளர்கள் உடனிருந்தனர்.
இந்த ஆலோசனைக் கூட்டத்தில், புதுச்சேரி மாநிலத்தில் வசிக்கும் பட்டியலின மக்களின் வாழ்வாதார முன்னேற்றம், கல்வி மற்றும் பொருளாதார மேம்பாடு சார்ந்த திட்டங்கள் குறித்து விரிவாக எடுத்துரைக்கப்பட்டது. மேலும், அப்பகுதி மக்களின் நலன் சார்ந்த அரசின் நலத்திட்டங்கள் தடையின்றி சென்றடைவது குறித்தும் விவாதிக்கப்பட்டது.
குறிப்பாக, பட்டியலின மக்கள் அன்றாடம் எதிர்கொள்ளும் முக்கியப் பிரச்சினைகள், அடிப்படை உட்கட்டமைப்புத் தேவைகள் மற்றும் அவர்களின் சமூக நலன்களைப் பாதுகாப்பதற்கான நடவடிக்கைகள் குறித்து மாநிலப் பொறுப்பாளர் கே.சுரேந்திரனிடம் எம்.எல்.ஏ டி.கே.எஸ்.எம். மீனாட்சிசுந்தரம் ஆலோசித்தார்.
மாநிலத்தின் அடித்தட்டு மற்றும் விளிம்புநிலை மக்களின் வளர்ச்சியை உறுதிசெய்யும் வகையில் பாஜக பட்டியலணி நிர்வாகிகள் ஒன்றிணைந்து மக்கள் பணியாற்றுவது குறித்தும், அரசு நிர்வாகத்தின் கவனத்திற்கு மக்கள் கோரிக்கைகளைக் கொண்டு செல்வது குறித்தும் இக்கூட்டத்தில் முக்கிய முடிவுகள் எடுக்கப்பட்டன.
