தட்டாஞ்சாவடி இடைத்தேர்தல்: காங்கிரஸ் வேட்பாளர் விநாயகம் அதிகாரப்பூர்வமாக வேட்புமனு தாக்கல்!
புதுச்சேரி: புதுச்சேரி தட்டாஞ்சாவடி சட்டமன்றத் தொகுதி இடைத்தேர்தலில் மதச்சார்பற்ற சமூக நீதி முற்போக்குக் கூட்டணி சார்பில் போட்டியிடும் காங்கிரஸ் வேட்பாளர் விநாயகம் இன்று முறைப்படி தனது வேட்புமனுவைத் தாக்கல் செய்தார்.
இடைத்தேர்தல் களம் தீவிரமடைந்து வரும் நிலையில், கூட்டணிக் கட்சிகளின் முக்கிய தலைவர்கள் மற்றும் கட்சி நிர்வாகிகள் புடைசூழ தேர்தல் நடத்தும் அலுவலகத்திற்கு வருகை தந்த விநாயகம், தேர்தல் நடத்தும் அதிகாரியிடம் தனது வேட்புமனு ஆவணங்களைச் சமர்ப்பித்தார். இந்த நிகழ்வின் போது மதச்சார்பற்ற முற்போக்குக் கூட்டணியைச் சேர்ந்த முக்கியப் பிரமுகர்கள் மற்றும் ஏராளமான தொண்டர்கள் உடனிருந்து ஆதரவு தெரிவித்தனர்.
வேட்புமனுத் தாக்கலைத் தொடர்ந்து தட்டாஞ்சாவடி தொகுதியில் காங்கிரஸ் மற்றும் கூட்டணிக் கட்சிகள் தீவிர களப்பணியில் இறங்கியுள்ளன. தொகுதி முழுவதும் வீடு வீடாகச் சென்று பொதுமக்களைச் சந்தித்து வாக்கு சேகரிக்கும் பிரச்சாரப் பணிகளை வேட்பாளர் விநாயகம் மற்றும் கூட்டணிக் கட்சியினர் தீவிரப்படுத்தியுள்ளனர்.
