சோலாரா பார்மா தொழிலாளர் கோரிக்கைகள்: நிர்வாகத்துடன் முன்னாள் அமைச்சர் பி.எம்.எல். கல்யாணசுந்தரம் பேச்சுவார்த்தை
புதுச்சேரி: சோலாரா பார்மா சயின்ஸ் லிமிடெட் நிறுவனத்தில் பணிபுரியும் தொழிலாளர்களின் ஊதிய உயர்வு மற்றும் பணிச்சூழல் உள்ளிட்ட பல்வேறு கோரிக்கைகள் தொடர்பாக, முன்னாள் போக்குவரத்துத்துறை அமைச்சர் பி.எம்.எல். கல்யாணசுந்தரம் தலைமையில் தொழிலாளர் சங்க நிர்வாகிகள் நிர்வாகத்தினருடன் பேச்சுவார்த்தை நடத்தினர்.
இந்த சந்திப்பின் போது தொழிலாளர்களின் நீண்டநாள் கோரிக்கைகள் குறித்து நிர்வாகத்திடம் விரிவாக எடுத்துரைக்கப்பட்டது. குறிப்பாக, ஊதிய உயர்வு, பணிச்சூழலை மேம்படுத்துதல் மற்றும் தொழிலாளர் நலன் சார்ந்த அம்சங்கள் குறித்து விவாதிக்கப்பட்டது. தொழிலாளர்களின் நியாயமான கோரிக்கைகளுக்கு நிர்வாகம் உரிய தீர்வு காண வேண்டும் என்று முன்னாள் அமைச்சர் பி.எம்.எல். கல்யாணசுந்தரம் வலியுறுத்தினார்.
மேலும், தொழிலாளர்களின் நலன் மற்றும் நிறுவனத்தின் வளர்ச்சி ஆகிய இரண்டையும் கருத்தில் கொண்டு, சுமூகமான முறையில் ஒப்பந்தப் பேச்சுவார்த்தையை நிறைவு செய்ய வேண்டும் என அவர் கேட்டுக்கொண்டார்.
