பாகூர் துணை மின் நிலையத்தில் தீ விபத்து: மின் விநியோகம் பாதிப்பு, எம்.எல்.ஏ ஆய்வு

பாகூர் துணை மின் நிலையத்தில் ஏற்பட்ட மின்கசிவு மற்றும் தீ விபத்து காரணமாக, அப்பகுதியில் மின்சார விநியோகம் தற்காலிகமாகப் பாதிக்கப்பட்டது.

எம்.எல்.ஏ நேரில் ஆய்வு
சம்பவம் குறித்துத் தகவல் அறிந்த ஏம்பலம் தொகுதி சட்டமன்ற உறுப்பினர் இ. மோகன்தாஸ், உடனடியாகச் சம்பவ இடத்திற்குச் சென்று நிலைமையை நேரில் பார்வையிட்டார்.

சீரமைப்புப் பணிகள் துரிதப்படுத்த உத்தரவு
அப்போது மின்சார வாரிய அதிகாரிகளுடன் ஆலோசனை நடத்திய அவர், பழுதை விரைந்து சரிசெய்து பாதிக்கப்பட்ட பகுதிகளுக்கு மீண்டும் மின் விநியோகம் வழங்க நடவடிக்கை எடுக்குமாறு அறிவுறுத்தினார்.

பொதுமக்களுக்கு ஏற்படும் சிரமத்தைக் குறைக்கும் வகையில் சீரமைப்புப் பணிகளைத் துரிதப்படுத்த வேண்டும் என்றும், மின் விநியோகம் இயல்பு நிலைக்குத் திரும்பும் வரை அதிகாரிகள் தொடர்ந்து கண்காணிக்க வேண்டும் என்றும் அவர் வலியுறுத்தினார்.