கனடாவில் இருந்து 6 மாதங்களில் 3,000-க்கும் மேற்பட்ட இந்தியர்கள் நாடு கடத்தப்பட்டனர்: CBSA தரவு

டொரோன்டோ, ஆகஸ்ட் 12: கனடாவில் இருந்து 2026-ஆம் ஆண்டின் முதல் ஆறு மாதங்களில் (ஜனவரி முதல் ஜூன் வரை) 3,323 இந்தியர்கள் நாடு கடத்தப்பட்டுள்ளதாக கனடா எல்லை சேவைகள் நிறுவனத்தின் (CBSA) புதிய தரவுகள் தெரிவிக்கின்றன.

இந்த எண்ணிக்கை, 2025-ஆம் ஆண்டு முழுவதும் நாடு கடத்தப்பட்ட 3,779 இந்தியர்களின் எண்ணிக்கையில் சுமார் 88% ஆகும். இந்த வேகம் தொடர்ந்தால், 2026-ஆம் ஆண்டு இந்தியர்கள் நாடு கடத்தப்படுவதில் புதிய சாதனை படைக்கும் என்று எதிர்பார்க்கப்படுகிறது.

CBSA தரவுகளின்படி, கனடாவில் இருந்து நாடு கடத்தப்பட்டவர்களில் இந்தியர்கள் முதலிடத்தில் உள்ளனர். இரண்டாம் இடத்தில் மெக்சிகோ (1,573 பேர்) உள்ளது, மூன்றாம் இடத்தில் ஹைதி உள்ளது.