புதுச்சேரியில் தினமலர் நாளிதழ் சார்பில் ஏற்பாடு செய்யப்பட்டுள்ள ‘ஸ்மார்ட் ஷாப்பர்ஸ்’ கண்காட்சியை முதலமைச்சர் ரங்கசாமி மற்றும் உள்துறை அமைச்சர் ஆ. நமச்சிவாயம் ஆகியோர் இணைந்து திறந்து வைத்தனர்.
வீட்டு உபயோகப் பொருட்கள், நவீன வாழ்க்கைத் தேவைகளுக்கான தயாரிப்புகள், சிறப்புச் சலுகைகளுடன் கூடிய விற்பனை அரங்குகள் என பல்வேறு அம்சங்களுடன் இக்கண்காட்சி அமைக்கப்பட்டுள்ளது. திறப்பு விழாவைத் தொடர்ந்து, முதலமைச்சர் மற்றும் அமைச்சர்கள் பல்வேறு அரங்குகளுக்குச் சென்று தயாரிப்புகள், விற்பனைச் சலுகைகள் குறித்துப் பார்வையிட்டனர்.
நிகழ்வில் குடிமைப் பொருள் வழங்கல் மற்றும் நுகர்வோர் விவகாரத் துறை அமைச்சர் வி.பி. சிவக்கொழுந்து, ஆதிதிராவிடர் நலத்துறை அமைச்சர் பி. ராஜவேலு, தற்காலிக சபாநாயகர் அன்பழகன் உள்ளிட்டோர் சிறப்பு விருந்தினர்களாகப் பங்கேற்றனர்.
பொதுமக்களுக்கு ஒரே இடத்தில் பல்வேறு பொருட்களை ஒப்பிட்டுத் தேர்வு செய்து வாங்கும் வாய்ப்பை ‘ஸ்மார்ட் ஷாப்பர்ஸ்’ கண்காட்சி ஏற்படுத்தித் தரும் என நிகழ்ச்சியில் கலந்துகொண்டோர் தெரிவித்தனர்.
