புதுச்சேரி வருகை தந்த மத்திய அமைச்சர் ராஜீவ் ரஞ்சன் சிங்கை நேரில் சந்தித்து வரவேற்ற சட்டமன்ற உறுப்பினர் வி.பி.ராமலிங்கம்!
புதுச்சேரி: புதுச்சேரி மாநிலத்திற்கு வருகை தந்த மத்திய மீன்வளத்துறை அமைச்சர் திரு. ராஜீவ் ரஞ்சன் சிங் (லலன் சிங்) அவர்களை, சட்டமன்ற உறுப்பினர் வி.பி.ராமலிங்கம் நேரில் சந்தித்து பூங்கொத்து வழங்கி உற்சாக வரவேற்பு அளித்தார்.
மத்திய மீன்வளம், கால்நடை பராமரிப்பு மற்றும் பால்வளத்துறை அமைச்சரான ராஜீவ் ரஞ்சன் சிங் பல்வேறு அரசு நிகழ்ச்சிகளில் பங்கேற்பதற்காகப் புதுச்சேரிக்கு வருகை புரிந்துள்ளார். இந்த நிலையில், புதுச்சேரி வந்த மத்திய அமைச்சரை நேரில் சந்தித்த சட்டமன்ற உறுப்பினர் வி.பி.ராமலிங்கம் அவருக்குப் பொன்னாடை அணிவித்து, பூங்கொத்து கொடுத்து அன்புடன் தனது வரவேற்பைத் தெரிவித்தார்.
இந்த சந்திப்பின்போது, புதுச்சேரி மாநிலத்தின் வளர்ச்சி மற்றும் துறை சார்ந்த நலத்திட்டங்கள் குறித்து மத்திய அமைச்சரிடம் எடுத்துரைக்கப்பட்டதாகத் தகவல்கள் தெரிவிக்கின்றன. மத்திய அமைச்சருடனான இச்சந்திப்பு குறித்து சட்டமன்ற உறுப்பினர் வி.பி.ராமலிங்கம் தனது அதிகாரப்பூர்வ சமூக வலைதளப் பக்கத்தில் பகிர்ந்துள்ளார்.
