“பட்ஜெட்டில் விவசாயிகளுக்கு ஏன் இவ்வளவு குறைவான நிதி ஒதுக்கீடு!” – பேரவையில் சவுமியா அன்புமணி கேள்வி
சென்னை, ஆகஸ்ட் 11: தமிழக சட்டப்பேரவையில் இன்று நடைபெற்ற விவாதத்தின்போது, பாமக எம்எல்ஏ சவுமியா அன்புமணி விவசாயத் துறைக்கான நிதி ஒதுக்கீடு குறித்து கேள்வி எழுப்பினார். பட்ஜெட்டில் விவசாயிகளுக்கு ஏன் இவ்வளவு குறைவான நிதி ஒதுக்கீடு செய்யப்பட்டுள்ளது? என்று அவர் கேட்டார்.
2026-27 ஆம் நிதியாண்டிற்கான வேளாண் பட்ஜெட்டில் விவசாயம் மற்றும் விவசாயிகள் நலத்துறைக்கு ரூ.14,984 கோடி ஒதுக்கீடு செய்யப்பட்டுள்ளது. ஆனால் முந்தைய திமுக அரசின் இடைக்கால பட்ஜெட்டில் இந்தத் தொகை ரூ.47,248 கோடியாக இருந்தது. இதனால் விவசாயத் துறைக்கான நிதி ஒதுக்கீடு கணிசமாகக் குறைக்கப்பட்டுள்ளதாக சவுமியா அன்புமணி சுட்டிக்காட்டினார்.
பேரவையில் பேசிய அவர், விவசாயிகளின் பயிர்க்கடன்களை முழுமையாகத் தள்ளுபடி செய்வார்கள் என்று எதிர்பார்த்தோம். ஆனால் அந்த அறிவிப்பு இல்லை. நீர்ப்பாசனத் திட்டங்களுக்கும் போதுமான நிதி ஒதுக்கப்படவில்லை. இது விவசாயிகளுக்கு ஏமாற்றத்தை அளித்துள்ளது என்று தெரிவித்தார்.
மேலும், விவசாயத் துறைக்கு மாநில பட்ஜெட்டில் குறைந்தபட்சம் 25% நிதி ஒதுக்கப்பட வேண்டும். விவசாயம் லாபகரமாக இருந்தால் மட்டுமே இளைஞர்கள் இந்தத் துறையில் ஈடுபடுவார்கள் என்று வலியுறுத்தினார்.
