புதுச்சேரி துணைநிலை ஆளுநருக்கு பாஜக மகளிர் அணியினர் ராக்கி கட்டி ரக்ஷா பந்தன் வாழ்த்து!

புதுச்சேரி, ஆக. 29:

புதுச்சேரி துணைநிலை ஆளுநர் கே. கைலாஷ்நாதனை, பாரதிய ஜனதா கட்சியின் மாநில மகளிர் அணியினர் நேரில் சந்தித்து ராக்கி கட்டி ரக்ஷா பந்தன் நல்வாழ்த்துகளைத் தெரிவித்தனர்.

சகோதரத்துவத்தையும் பாசத்தையும் போற்றும் ரக்ஷா பந்தன் திருநாளையொட்டி, புதுச்சேரி ஆளுநர் மாளிகையான ராஜ் நிவாசில் இந்த சந்திப்பு நடைபெற்றது. இதில் பாஜக மாநில மகளிர் அணி நிர்வாகிகள், மாவட்ட மற்றும் தொகுதி அளவிலான பெண் நிர்வாகிகள் திரளாகக் கலந்துகொண்டனர்.

நிகழ்வின் போது, துணைநிலை ஆளுநர் கே. கைலாஷ்நாதனுக்கு மகளிர் அணியினர் பாசத்தோடு ராக்கி கயிறு கட்டி தங்களது வாழ்த்துகளைப் பகிர்ந்துகொண்டனர். தொடர்ந்து ஆளுநர் அவர்களும் மகளிர் அணி நிர்வாகிகளுக்கு தனது ரக்ஷா பந்தன் வாழ்த்துகளைத் தெரிவித்து, இனிமையான தருணங்களை அவர்களுடன் பகிர்ந்துகொண்டார்.