புதுச்சேரி லாசுப்பேட்டை: 12 ஜோதிர்லிங்க தரிசன விழா தொடங்கியது – ராஜ்யசபா எம்பி செல்வகணபதி துவக்கி வைத்தார்
புதுச்சேரி, ஆகஸ்ட் 14: புதுச்சேரி லாசுப்பேட்டையில் உள்ள விவேகானந்தா மேல்நிலைப் பள்ளியில் 12 ஜோதிர்லிங்க தரிசன விழா இன்று (ஆகஸ்ட் 14) கோலாகலமாகத் தொடங்கியது.
இவ்விழாவை ராஜ்யசபா எம்பி மாண்புமிகு எஸ். செல்வகணபதி அவர்கள் பூஜை செய்து துவக்கி வைத்தார். இந்த விழா ஆகஸ்ட் 14 முதல் 16 வரை மூன்று நாட்கள் லாசுப்பேட்டை விவேகானந்தா மேல்நிலைப் பள்ளியில் நடைபெறவுள்ளது.
இந்த விழாவில் இந்தியாவின் 12 பிரசித்தி பெற்ற ஜோதிர்லிங்கங்கள் தரிசனத்திற்கு வைக்கப்பட்டுள்ளன: சோமநாத் (குஜராத்), மல்லிகார்ஜுனா (ஆந்திரா), மகாகாலேஸ்வர் (மத்திய பிரதேசம்), ஓங்காரேஸ்வர் (மத்திய பிரதேசம்), கேதார்நாத் (உத்தரகண்ட்), பீமாசங்கர் (மகாராஷ்டிரா), காசி விஸ்வநாத் (உத்தர பிரதேசம்), திரியம்பகேஸ்வர் (மகாராஷ்டிரா), வைத்யநாத் (ஜார்க்கண்ட்), நாகேஸ்வர் (குஜராத்), ராமேஸ்வர் (தமிழ்நாடு), கிரிஷ்ணேஸ்வர் (மகாராஷ்டிரா) ஆகியவை அவை.
