புதுச்சேரி பாஜக தலைமை அலுவலகத்தில் ரக்ஷா பந்தன் கொண்டாட்டம்: மகளிர் நிர்வாகிகள் ராக்கி கட்டி வாழ்த்து
புதுச்சேரி: சகோதரத்துவத்தை போற்றும் உன்னதமான ரக்ஷா பந்தன் பண்டிகையை முன்னிட்டு, புதுச்சேரி மாநில பாரதிய ஜனதா கட்சியின் தலைமை அலுவலகத்தில் உற்சாகக் கொண்டாட்டம் நடைபெற்றது. இந்நிகழ்வில் பாஜக மகளிர் அணியினர் மற்றும் நிர்வாகிகள் திரளாக கலந்துகொண்டனர்.
பாஜக தலைமை அலுவலகத்திற்கு வருகை தந்த மகளிர் நிர்வாகிகள், பாச உணர்வோடு ‘ராக்கி’ கயிறு கட்டி தங்களது அன்பையும் நல்வாழ்த்துகளையும் பகிர்ந்து கொண்டனர். சகோதர-சகோதரி பாசப் பிணைப்பை வெளிப்படுத்தும் வகையில் அமைந்த இந்த நிகழ்வு அனைவரிடமும் பெரும் நெகிழ்ச்சியை ஏற்படுத்தியது.
தொடர்ந்து, தன் மீது அளவில்லா பாசம் பொழிந்து ராக்கி கயிறு கட்டிய அனைத்து சகோதரிகளுக்கும் இதயப்பூர்வமான ரக்ஷா பந்தன் நல்வாழ்த்துகள் தெரிவிக்கப்பட்டன. இந்நிகழ்வில் கட்சி நிர்வாகிகள் மற்றும் தொண்டர்கள் பலர் கலந்து கொண்டு ஒருவருக்கொருவர் வாழ்த்துகளைப் பரிமாறிக்கொண்டனர்.
