காரைக்கால் விழிதியூர் அரசுப் பள்ளி மாணவர்களுக்கு சீருடை, மழைக்கோட் வழங்கிய எம்.எல்.ஏ. மீனாட்சிசுந்தரம்!
காரைக்கால்: நிரவி – திருப்பட்டினம் தொகுதிக்குட்பட்ட விழிதியூர் அரசு உயர்நிலைப் பள்ளியில் பயிலும் மாணவ, மாணவிகளுக்கு இலவச சீருடைகள் மற்றும் மழைக்கோட்டுகளை தொகுதி சட்டமன்ற உறுப்பினர் டி.கே.எஸ்.எம். மீனாட்சிசுந்தரம் நேரில் வழங்கினார்.
காரைக்கால் மாவட்டத்தில் எதிர்வரும் பருவமழை காலத்தை முன்னிட்டு, மாணவ-மாணவிகள் மழையில் நனையாமல் பாதுகாப்பாக பள்ளிக்கு வந்து செல்வதை உறுதி செய்யும் நோக்கில் இந்த சிறப்பு நடவடிக்கை மேற்கொள்ளப்பட்டுள்ளது. விழிதியூர் அரசு உயர்நிலைப் பள்ளியில் நடைபெற்ற எளிய நிகழ்ச்சியில், மாணவர்களுக்கு புதிய சீருடைகளுடன் மழைக்கோட்டுகளையும் (Raincoats) எம்.எல்.ஏ. வழங்கினார்.
அரசுப் பள்ளி மாணவர்களின் கல்வி நலன் மற்றும் அடிப்படைத் தேவைகளுக்கு முன்னுரிமை அளிக்கப்பட்டு வருவதாகவும், மழைக்காலத்திலும் மாணவர்கள் தடையின்றி கல்வி கற்க இது பயனுள்ளதாக இருக்கும் என்றும் தெரிவிக்கப்பட்டது. இந்நிகழ்வில் பள்ளி ஆசிரியர்கள் மற்றும் பொதுமக்கள் பலர் கலந்து கொண்டனர்.
