பனையூரில் பாமக தலைமை நிர்வாகக் குழுக் கூட்டம்: நிர்வாக மாற்றங்கள் குறித்து முக்கிய முடிவுகள்!
பனையூர்: பாட்டாளி மக்கள் கட்சியின் தலைமை நிர்வாகக் குழுக் கூட்டம் பனையூரில் கட்சித் தலைவர் மருத்துவர் அன்புமணி ராமதாஸ் தலைமையில் மிக விரிவாக நடைபெற்றது. கட்சிப் பணிகளைத் தீவிரப்படுத்துவது மற்றும் களப்பணிகளை முறைப்படுத்துவது தொடர்பாக நடைபெற்ற இக்கூட்டத்தில், நிர்வாக ரீதியாக பல்வேறு முக்கிய மாற்றங்களை மேற்கொள்வது என ஏகமனதாக முடிவெடுக்கப்பட்டது.
இக்கூட்டத்தில் பாட்டாளி மக்கள் கட்சியின் சட்டமன்ற குழுத் தலைவர் சௌமியா அன்புமணி, வன்னியர் சங்கத் தலைவர் பூ.தா. அருள்மொழி, கட்சியின் பொதுச் செயலாளர் வடிவேல் இராவணன் மற்றும் மாநிலப் பொருளாளர் திலகபாமா ஆகியோர் முன்னிலை வகித்து கட்சியின் தற்போதைய களநிலவரங்கள் குறித்து விளக்கினர். கட்சியின் உள்கட்டமைப்பை மேலும் செழுமைப்படுத்துவது தொடர்பாக ஆலோசிக்கப்பட்டது.
மேலும், அரசியல் ஆலோசனைக் குழுத் தலைவர் பேராசிரியர் தீரன், சமூக முன்னேற்ற சங்கத் தலைவர் சிவப்பிரகாசம், தலைமை நிலையச் செயலாளர் பேராசிரியர் செல்வகுமார் மற்றும் சட்டமன்ற உறுப்பினர்கள் சிவகுமார், வைத்தி உள்ளிட்ட கட்சியின் உயர் நிர்வாகக் குழு உறுப்பினர்கள் பலரும் கலந்துகொண்டு தங்களது கருத்துகளைப் பதிவு செய்தனர். புதுச்சேரி மாநில பாமக நிர்வாகி கணபதி உள்ளிட்ட நிர்வாகிகளும் இதில் பங்கேற்றனர்.
கூட்டத்தில் எடுக்கப்பட்ட முடிவுகள் குறித்து நிர்வாகிகள் தெரிவிக்கையில், பாமகவை அடிமட்ட அளவில் மேலும் வலிமைப்படுத்தும் நோக்கில், நிர்வாக ரீதியாக பல்வேறு சீரமைப்புகளையும் அதிரடி மாற்றங்களையும் முன்னெடுக்கத் தீர்மானிக்கப்பட்டுள்ளது. வரவிருக்கும் அரசியல் களங்களை முழு உத்வேகத்துடன் எதிர்கொள்வது மற்றும் மக்கள் நலன் சார்ந்த பிரச்சினைகளில் தொடர் போராட்டங்களை முன்னெடுப்பது குறித்தும் விரிவாக விவாதிக்கப்பட்டது.
தமிழகம் மற்றும் புதுச்சேரி உள்ளிட்ட அனைத்துப் பகுதிகளிலும் கட்சி நிர்வாகிகளை ஒருங்கிணைத்து, புதிய வியூகங்களுடன் களப்பணிகளைத் தீவிரப்படுத்தவும் இக்கூட்டத்தில் ஒருமுகமாகத் தீர்மானிக்கப்பட்டுள்ளது.
