நதிநீர் இணைப்புத் திட்டம் நடைமுறைக்கு வரும் நேரத்தில், நடிகர் ரஜினிகாந்த் ஏற்கெனவே கூறியபடி ரூ.1 கோடி நிதியை நிச்சயமாக வழங்குவார் என அவரது மனைவி லதா ரஜினிகாந்த் தெரிவித்துள்ளார்.
சென்னை சேத்துப்பட்டில் ‘மக்கள் மேடை’ சார்பில் நடைபெற்ற இணையதளத் தொடக்க விழாவில் கலந்து கொண்டு பேசிய லதா ரஜினிகாந்த், நதிநீர் இணைப்புத் திட்டம் செயல்படுத்தப்பட வேண்டிய அவசியத்தை வலியுறுத்தினார். திட்டம் நடைமுறைக்கு வந்தவுடன் ரஜினிகாந்த் தமது வாக்குறுதியை நிறைவேற்றுவார் என்றும் அவர் கூறினார்.
நாட்டின் நீர்வளப் பிரச்சினைகளுக்குத் தீர்வாக நதிநீர் இணைப்புத் திட்டங்கள் அமைய வேண்டும் என்றும், இதுபோன்ற திட்டங்களுக்கு அனைவரும் ஆதரவு அளிக்க வேண்டும் என்றும் லதா ரஜினிகாந்த் கேட்டுக்கொண்டார்.
