புதுச்சேரி மாநில பாரதிய ஜனதா கட்சியின் நகர் மாவட்டம் மற்றும் உழவர்கரை மாவட்டம் இணைந்து, நிர்வாகிகளுக்கான பண்டிட் தீனதயாள் உபாத்யாய இரு நாள் பயிற்சி முகாமை குருமாம்பேட்டில் உள்ள சுவாமி விவேகானந்தர் சிபிஎஸ்இ மேல்நிலைப் பள்ளியில் நடத்தின.
முகாமில், கட்சியின் கொள்கைகள், பண்டிட் தீனதயாள் உபாத்யாயவின் அந்த்யோதயா கொள்கை, அமைப்பு வலுப்படுத்தல், பூத் மேலாண்மை, மக்கள் தொடர்பு, சமூக ஊடகங்கள் மற்றும் டிஜிட்டல் கருவிகள் வழியாகப் பிரசாரம் செய்வது உள்ளிட்ட தலைப்புகளில் அமர்வுகள் நடைபெற்றன.
நகர் மற்றும் உழவர்கரை மாவட்டங்களின் மாவட்டத் தலைவர்கள், மண்டலத் தலைவர்கள், இளைஞர், மகளிர், ஓய்வு பெற்றோர் அணிகள் உள்ளிட்ட பிரிவுகளின் நிர்வாகிகள் முகாமில் கலந்து கொண்டு தங்கள் அனுபவங்களைப் பகிர்ந்து கொண்டனர்.
கட்சியின் வேர்மட்ட அமைப்பை வலுப்படுத்துவதும், அரசின் நலத்திட்டங்களை மக்களிடம் கொண்டு சேர்க்கும் பொறுப்பை நிர்வாகிகள் ஏற்பதும் முகாமின் நோக்கமாக இருந்ததாக ஏற்பாட்டாளர்கள் தெரிவித்தனர்.
