சென்னை தினத்தை முன்னிட்டு ஜொலிக்கும் ரிப்பன் மாளிகை: வண்ணமயமாக மாறிய வரலாற்றுச் சின்னம்

சென்னை, ஆக. 22: சென்னை தினத்தை முன்னிட்டு, வரலாற்றுச் சிறப்புமிக்க ரிப்பன் மாளிகை தங்க நிற மின்விளக்குகளால் அலங்கரிக்கப்பட்டு ஜொலிக்கிறது. சென்னை மாநகராட்சியின் நிர்வாகத் தலைமையகமான இந்த கட்டிடம், சென்னையின் அடையாளமாகத் திகழும் நிலையில், ஆண்டுதோறும் ஆகஸ்ட் 22-ஆம் தேதி கொண்டாடப்படும் சென்னை தினத்திற்காக தற்போது பிரம்மாண்டமாக ஒளிவெள்ளத்தில் மிளிர்கிறது.

இந்த வண்ணமயமான காட்சியைப் பார்க்க ஏராளமான பொதுமக்கள் மற்றும் சுற்றுலாப் பயணிகள் ரிப்பன் மாளிகையின் முன்பாகக் கூடி வருகின்றனர். சென்னையின் வரலாற்றையும் பாரம்பரியத்தையும் பறைசாற்றும் வகையில், பழமை மாறாத இந்த கட்டிடத்தில் செய்யப்பட்டுள்ள மின்னொளி அலங்காரங்கள் காண்போரை வெகுவாகக் கவர்ந்துள்ளன. நகரின் பல்வேறு பகுதிகளில் சென்னை தினம் கோலாகலமாகக் கொண்டாடப்பட்டு வரும் சூழலில், ரிப்பன் மாளிகையின் இந்த பொலிவு கூடுதல் சிறப்பு சேர்த்துள்ளது.